Sakit okeanda 2 ABŞ hərbi gəmisi toqquşub
17 May 2012 06:43
IslamTimes - Sakit okeanda 2 ABŞ hərbi gəmisi toqquşub. Bu barədə APA ABŞ Hərbi-Dəniz Donanmasının bəyanatına istinadən məlumat verir.
«Essex» universal desant gəmisi və «Yukon» tankeri birinci yanacaq doldurmaq istərkən toqquşublar.
Hadisə Kaliforniya sahillərindən 200 km məsafədə baş verib. Yaponiyanın Sasebo limanından San-Dieqoya yönələn «Essex» yanacaq doldurmaq üçün tankerə yaxınlaşmağa başlayıb. Naməlum səbəbdən gəmi idarəetməni itirərək «Yukon» çırpılıb.
ABŞ HDD-nın nümayəndəsi Çarli Braunun sözlərinə görə, qəza nəticəsində heç kim xəsarət almayıb və suya neft axmayıb. Hər iki gəmi yüngül zədələniblər.
Story Code: 162675