“İsrailin İrana hücum etməsinə hələ vaxt var”

Əhmədinejad isə “düşmənlərimizi peşman edəcəyik” deyir

“Düşmənlərimiz İran xalqını və onun gücünü tanımırlar”. APA-nın İran mətbuatına istinadən verdiyi məlumata görə, bunu Xorasan vilayətində səfərdə olan prezident Mahmud Əhmədinejad əhali qarşısında çıxışı zamanı deyib. M.Əhmədinejad bildirib ki, İran elm və iqtisadi sahələrdə çalışmalarını ikiqat artırmaqla düşmənlərini peşman edəcək: “Elə təsəvvür edirlər ki, hədə-qorxu gəlməklə xalqımızın iradəsini sındıra biləcəklər. Amma onlar böyük səhvə yol verirlər”.