Islam Times - 3 fəal aclıq aksiyasını dayandıraraq piketə gedir

IslamTimes - Müsavat Partiyasının qərargahında vicdan məhbuslarına azadlıq tələbi ilə aksiya keçirənlərdən üç nfər aclıq aksiyasını dayandırıb.

Bu barədə musavat.com-a İctimai Palatanın mətbuat mərkəzinin koordinatoru Leyla Mustafayeva xəbər verib.

Koordinatorun verdiyi xəbərə görə, aclıq aksiyasını dayandıranlardan biri Şəkər İsgəndərlidir. Ona akisyanı dayandırmağı həkimlər məsləhət görüb, çünki İP fəalının səhhətində problem yarana bilərmiş.

Aksiyanı dayandıran iki nəfərin Natiq Adilov və Təzəxan Mirələmli olduğunu qeyd edən L.Mustafayava bildirir ki, onların əsas məqsədi aksiyaya fasilə verərək, İP-in bu gün BŞİH qarşısında keçirməyi planlaşdırdığı aksiyaya qoşulmaqdır.

Müsavat Partiyası başqanının müavini Gülağa Aslanlının verdiyi məlumata görə, aksiyada 12 nəfər iştirak edir.