“İrana Qərb deyil, yalnız İsrail hücum etmək istəyir”

APA-nın məlumatına görə, bunu İran prezidenti Mahmud Əhmədinejad deyib. O bildirib ki, İrana Qərb deyil, yalnız İsrail hücum etmək istəyir. Sionist rejimin İrana hücum edəcəyi təqdirdə İsrailin yer üzündən silinəcəyini dəfələrlə açıqlayan İslam Respublikası bir daha bu məsələyə münasibət bildirib: “Əgər İsrail İrana hücum etməsə, heç bir problem olmayacaq. İran uranı 20% zənginləşdirməyi dayandırmayacaq. Uranı 20% zənginləşdirdiyi üçün İrana təyziq göstərirlər. Halbuki, özlərinin atom bombası var. Kim daha təhlükəlidir? Qərb yoxsa İran? Tehranın 20% zənginləşdirilən urandan sülh məqsədləri üçün istifadə etməsinə etiraz edənlər bunun səbəbini izah etsinlər. Beynəlxalq qanunlara əsasən İranın sülh məqsədləri üçün uranı 20% zənginləşdirməyə haqqı var”.