İki nazirin savaşı xalqın başında çatladı

Ölkə başçısının qərarına qarşı gələn fövqəlnazir Naxçıvani 27 ünvanındakı binanı hasarlatdırdı; Kəmaləddin Heydərovla Fazil Məmmədov arasındakı mübarizə yeni mərhələdə...

Binəqədi rayonu, Naxçıvani küçəsi 27 ünvanındakı bina ilə bağlı qalmaqal davam edir. Bu ünvan və orada baş verənlər barədə ölkə qəzetləri dəfələrlə yazıblar - çünki həmin ünvanda Azərbaycanın baş naziri və millət vəkili olmuş Pənah Hüseyn yaşayır. Qəzetlər üçün məsələnin maraqlı tərəfi budur ki, ölkənin müxalif siyasi liderlərindən biri olan cənab P.Hüseynin yaşadığı ünvanda baş verənlər bir qəsddirmi? İndiyə qədər mediaya heç bir açıqlama verməyən, etiraz aksiyalarına qarışmayan Pənah bəyin qonşuları olduqca aktivdirlər və onlar da medianın təbii marağından lazımi qaydada istifadə edə bilirlər...