Əsəd və Annan razılığa gəlib

Görüşə Suriya xarici işlər naziri Vəlid Müəllim, xarici işlər nazirinin müavini Faysal Miqdatla Annanın katibi Əhməd Fevzi və Suriyadakı BMT müşahidəçi heyətinin rəhbəri norveçli general Robert Mud da iştirak edib. (AA)

Görüşdən sonra Annan açıqlama verib. K.Annan Əsədlə ölkədəki qarşıdurmanı dayandıracaq bir yanaşmada razılaşdıqlarını söyləyib. Annan 2 saat davam edən görüşlə bağlı digər detalları açıqlamayıb. O, bu yanaşmanın müxalifətlə də müzakirə ediləcəyini ifadə edib.

Suriyada 16 aydır, davam edən qarşıdurmaları başa çatdıracaq beynəlxalq planın memarı Annan bir müddət əvvəl Sülh Planının imzalanmasına nail ola bilmişdi.