"IslamTimes" "Christian Science Monitor" qəzetinə istinadən xəbər verir ki, ABŞ-da 11 həftədən sonra yenidən benzinin qiymətinə nəzarət əldən çıxıb. Belə ki, Birləşmiş Ştatlarda son günlər hər qallon benzin 5 sent bahalaşaraq 3 dollar 38 sentə çatıb. Hətta bir neçə Ştatda hər qallon benzinin qiyməti 26 sent bahalaşıb.
İqtisadçılar bu artımın müvəqqəti olduğu haqda və yay fəslində davam edib-etməyəcəyi ilə bağlı şübhədə olduqlarını bildiriblər.
ABŞ əhalisi və sürücülər isə iyul ayında bu artımın davam edəcəyini güman edirlər.
Ekspertlər uyğun bahalaşmanın İrana qarşı yönəlmiş sanksiyalar və Hörmüz boğazının bağlanacağı ehtimalı ilə əlaqəli olduğunu bildirirlər.