Fələstinin sabiq rəhbəri Yasir Ərəfatın ölüm səbəbi açıqlandı. Bu haqda Yasir Ərəfatın ölüm səbəbini araşdıran tibbi komissiyanın rəhbəri Abdullah əl-Bəşir rəsmi açıqlama verib. O, keçmiş Fələstin liderinin zəhərlənərək öldüyünü bildirib. Bu da onun rəsmən zəhərləndirilərək öldürüldüyünü sübuta yetirmiş olur.
Qeyd edək ki, Yasir Ərəfat 2004-cü ildə noyabr ayının 11-də hospitalda dünyasını dəyişib. Araşdırma komissiyası Fransadan onun ölümü ilə bağlı lazımı məlumatlar əldə etmək istəsə də, nədənsə Fransa buna rədd cavabı vermişdi. Ekspertlər onun zəhərli və radioaktiv maddə olan polonium-210 vasitəsi ilə öldürüldüyünü təsdiq ediblər.