“İran yaxın günlərdə hədəfi dəqiq vuran raketlərin istehsalına başlayacaq”. APA-nın “Fars” xəbər agentliyinə istinadən məlumatına görə, bunu İranın müdafiə naziri, general-mayor Əhməd Vahidi bildirib. Onun sözlərinə görə, yeni nəsil “Hovercraft”lar da yaxında İran Hərbi-Dəniz Qüvvələrinə təslim ediləcək. Ə. Vahidi əlavə edib ki, İranın Suriyada hərbi qüvvəsi yoxdur: “Qərb ölkələrinin bəzi mətbuat orqanları İranın Suriyada hərbçilərinin olması ilə bağlı məlumatlar verir. Bu addım Suriyadakı böhrana səbəb olan bəzi dövlətlərin öz çirkin hərəkətlərini ört-basdır etmək məqsədi güdür. Bu gün Suriya ordusu terrorçularla təkbaşına mübarizə aparmaq gücündədir. İran isə yalnız Suriyada səfirlik saxlayır və digər ölkələrdə olduğu kimi orada da qanuni şəkildə fəaliyyət göstərir”.