QR Code

Ümumdünya Enerji Agentliyi İranın neft ixracını artırdığını açıqlayıb

13 Sep 2012 18:11

IslamTimes - İranın neft ixracı bu ilin iyul ayında 930 min barel olduğu halda, avqust ayında bu həcm 1,1 milyon barelə çatıb

Ümumdünya Enerji Agentliyi ABŞ və Avropa Birliyi tərəfindən İrana qarşı tətbiq olunmuş sanksiyalara baxmayaraq, dünyada bu ölkənin neftinə tələbatın artdığını açıqlayıb.

“Press TV”-nin məlumatına görə, agentliyin yaydığı hesabatda bildirilir ki, İranın neft ixracı bu ilin iyul ayında 930 min barel olduğu halda, avqust ayında bu həcm 1,1 milyon barelə çatıb.

Sənəddə qeyd olunur ki, İrandan Türkiyəyə gündəlik 150 min barel neft ixracı avqust ayında 200 min barel olub: “Bundan başqa, Malayziyanın İrandan neft idxalı 100 min bareldən 130 min barelə çatıb. Çin, Cənubi Koreya və Hindistanın da sentyabr ayında İrandan neft idxalı artıb”. /HaqqYolu/

Story Code: 195200