Modern.az “Press TV”-yə istinadən bildirir ki, Əhmədinejad çıxışına başlayarkən“Hafiz, Mövlana, Xəyyam və Şəhriyarın yurdundan gəldiyini” deyib və “fəxarətli bir milləti təmsil etdiyini” vurğulayıb. “Mən Allah-Təalaya mənə burda bir daha iştirak etmək şansı verdiyinə görə şükr edirəm Biz burda bütöv insan cəmiyyəti və öz millətimiz üçün daha yaxşı həyat qurmaq və birlikdə işləmək üçün gəlmişik”-deyə Əhmədinejad vurğulayıb. ”Mən müsəlman, xristian, yəhudi, hindu, buddist və başqalarının bir-birləri ilə düşmənçiliyi və problemləri olduğuna inanmıram. Onlar sülh və dostluq şəraitində birlikdə yaşayarlar”-deyə qeyd edib.