Islam Times - Hatayda Əsədə dəstək nümayişi

IslamTimes - Hatayda yüzlərlə gənc küçələrə axışaraq Türkiyənin Suriyaya hərbi müdaxiləsinə qarşı çıxıb. Onlar Əsəd dövlətinə dəstək nümayiş etdiriblər.

"IslamTimes" "TimeTürk"-ə istinadən xəbər verir ki, Uğur Mumcu məntəqəsində yüzlərlə gənc küçələrə axışaraq Suriya dövlətinə dəstək nümayişi keçirib.

Polis yürüşün qanuni olmadığını bildirərək etirazçıları bibər qazı ilə susdurmağa çalışıb. Elə bundan sonra da nümayişçilərlə polis arasında qarşıdurma yaranıb. Qısa bir müddət geri çəkilən etirazçıların yenidən meydana dönməsi təhlükəsizlik qüvvələri üçün sürpriz olub.

Bəzi etirazçıların polis tərəfindən saxlanıldığı xəbər verilir.

Nəzərinizə çatdıraq ki, bir neçə həftədir Türkiyə xalqı Suriya ilə müharibəyə qarşı çıxaraq irihəcmli nümayişlər keçirir. Onlar ABŞ-ın Türkiyəni müharibəyə sürükləyərək özünün kənardan tamaşa etmək niyyətində olduğunu bildirir.