İran parlamentinin milli təhlükəsizlik və xarici siyasət üzrə komissiyasının üzvü İsmail Kövsəri Əl-Aləm şəbəkəsinə verdiyi müsahibədə bildirib ki, İsrailin hərbi-strateji obyektlərindən görüntülər almış pilotsuz təyyarə həmin görüntüləri Hizbullahın idarə mərkəzinə ötürüb. Kövsəri bildirib ki, hazırda görüntülər İranın ixtiyarındadır. Hizbullahın daha mükəmməl hərbi texnologiyalara sahib olduğunu bildirən Kövsəri qeyd edib ki, bu texnologiyalar İsraillə onun layiq olduğu şəkildə danışmağa imkan verir.
