Rusiyanın xarici işlər naziri Sergey Lavrov Suriya prezidenti Bəşar Əsəd hakimiyyətinin devriləcəyi təqdirdə ölkədə daha çox qan töküləcəyini bildirib. Fransalı həmkarı Laurent Fabiusla görüşdən sonra təşkil edilən birgə mətbuat konfransında çıxış edən Lavrov, həm ölkəsinin, həm də Fransanın Suriyaya hərbi müdaxilə mövzusunda eyni fikirdə olduğunu açıqlayıb. Mətbuat konfransında çıxış edən rusiyalı nazir daha sonra bunları deyib: "Nə Fransa, nə Rusiya dövlətləri Suriyaya hərbi müxadilə edilməsinə razıdır. Qərb ölkələrinin Bəşər Əsədi devirmək tələbi isə sadəcə olaraq xəyalıdır."
