Islam Times - "Səudiyyə kralının vəziyyəti ağırdır"

IslamTimes - Səudiyyə Ərəbistanı kralı Abdullah bin Əbdüləzizin vəziyyətinin ağır olduğu bildirilir. Bəzi KİV onun öldüyünü belə yazıb.

"IslamTimes" "Əl-minar" qəzetinə istinadən xəbər verir ki, Səudiyyə Ərəbistanı rəsmilərindən biri Ərəbistan kralı Abdullah bin Əbdüləziz Ali Səud ilə bağlı yayılan xəbərlərə münasibətdə deyib: "Kralın vəziyyəti cərrahiyyə əməliyyatından sonra pisdir. O yaşlılıq səbəbindən uyğun problemlə üzləşib."

"Əl-minar" məlumatlı mənbələrə istinadən yazıb ki, kral Abdullah danışıq qabiliyyətini itirib. Onun hətta zehni funksiyaları da 0 həddinə çatıb. Elə bu üzdən də Səudiyyə Ərəbistanında əmniyyət tədbirləri gücləndirilib. Diktatorluq hökm sürən ölkədə xalqın qiyamının qarşısını almaq üçün bir çox şəhərlərin girişində nəzarət məntəqələri ciddi iş rejiminə keçib.