Sergey Ryabkov: “İrana qarşı bəzi sanksiyalar ləğv olunan bilər”

APA-nın “Fars” xəbər agentliyinə istinadən məlumatına görə, bunu Rusiya xarici işlər nazirinin müavini Sergey Ryabkov “Russia Today” telekanalına açıqlamasında bildirib.

Onun sözlərinə görə, İranın öz nüvə fəaliyyətlərini dinc məqsədli olduğunu sübut edə biləcəyi təqdirdə yeni müzakirələr məsələnin həllinə kömək edə bilər: “Belə olacağı təqdirdə bəzi sanksiyaların azaldılması ehtimalı var. Almatı görüşünün uğuru müzakirə tərəflərinin həqiqi iradəsi və məsələnin həlli istiqamətində qarşılıqlı olaraq öhdəliklərin qəbul edilməsindədir”.