“Dövlətlər Suriyada münaqişə tərəflərinə hərbi dəstək göstərməkdən çəkinməlidir"

Əks halda bu cür yardımlar Suriyadakı yaranmış ağır vəziyyəti daha da gərginləşdirəcək. APA-nın “İTAR-TASS”a istinadən verdiyi xəbərə görə, bu barədə BMT Baş katibin rəsmi nümayəndəsinin müavini Eduardo Del Buey ABŞ və Avropa Birliyinin Suriya müxalifətinə əlavə yardım göstərilməsi ilə baölı planlarını şərh edərkən bəyan edib.  

“Baş katib hesab edir ki, Suriya münaqişəsində tərəflərin silahlanmasına yönəlmiş hər-hansı cəhd fayda verməyəcək. Hərbi vasitələr uğur gətirməyəcək – bunun üçün yalnız danışıqlar gərəkdir. Baş katibin bu məsələdə mövqeyi iki il ərzində dəyişməyib”, deyə Eduardo Del Buey qeyd edib.