APA-nın “BBC”yə istinadən verdiyi xəbərə görə, ABŞ dövlət katibi Con Kerri bildirib ki, Dövlət Departamentini və Müdafiə Nazirliyini müvafiq olaraq təmsil edən üç hərbçi və mülki məmur Kalat şəhərindəki məktəbə kitab ianə etməyə gedirmişlər.
Partlayış humanitar konvoy Zabul vilayətinin qubernatoru Məhəmməd Əşrəf Naserinin kortejinin yaxınlığından keçərkən törədilib. Partlayış nəticəsində qubernator xəsarət almayıb.
Bundan başqa, daha bir ABŞ hərbçisi ölkənin şərqində baş vermiş silahlı hücum nəticəsində həlak olub. Bütün insidentlərə görə məsuliyyəti öz üzərinə “Taliban” hərəkatı götürüb.