Suriyada onlarla Kanada vətəndaşı hazırda silahlı qruplaşmaların tərkibində hakimiyyət qüvvələrinə qarşı döyüşür. Onlar həm “Əl-Qaidə” terror təşkilatına bağlı olan qruplaşmaların tərkibində, həm də digər silahlı qruplaşmalarda döyüşürləre. Bu barədə Kanadanın Təhlükəsizlik və Kəşfiyyat Xidmətinin direktorunun müavini Maykl Peyrs bildirib, - “Vesti”.
“Bəzi mənbələrdə yayılmış məlumatlara əsasən Kanada vətəndaşları Suriyada silahlı qruplaşmalar tərkibində döyüşür. Bunları biz araşdırmışıq və böyük əksəriyyəti həqiqətə uyğundur”, - deyə Maykl Peyrs bildirib.
“Onlar öz mövqeylərini tez-tez dəyişirlər. Bəzən onlar “Azad Suriya Ordusu”nun tərkibində, bəzən isə “Nusra cəbhəsi” qruplaşmasının tərkibində döyüşür. Onları müşahidə etmək çətindir”, - deyə Pers etiraf edib.