Islam Times - İşğalçı İsrail qüvvələri Qüdsün müftisini həbs ediblər

İslamtimes - Çərşənbə axşamı günü sionistlər bir qrup Knesset üzvləri ilə bir yerdə müqəddəs əl Əqsa məscidinə hücum etdikdən bir gün sonra sionist işğalçı qüvvələri Qüdsün müftisi olan Şeyx Muhəmməd Huseyni həbs ediblər.

islamtimes.org/az/ - İşğalçı İsrail polisi deyib ki, Şeyx Huseyn əl Əqsa məscidində baş verən qarışıqlıq haqqında sorğu-sual olunur.

İsrail polisinin sözçüsü Miki Rosenfeld deyib: “Müfti xəfiyyələr tərəfindən evindən götürülmüş və çərşənbə axşamı günü müqəddəs məsciddə baş verən qarışıqlıqda şübhəli bilinən şəxs qismində sorğu-sual olunmaq üçün polis idarəsinə gətirilib.”

Çəşrənbə axşamı günü səhər saatlarında Knesset üzvləri də daxil olmaqla təxminən 40 nəfər sionist ekstremisti “Qüdsün yenidən birləşdirilməsi” adlanan hadisənin 46-cı il dönümünü qeyd etmək üçün əl Əqsa məscidinə soxulmuş və həmin vaxt məsciddə olan fələstinlilər ilə aralarında toqquşma olmuşdur.

Rosenfeld deyib ki, hadisə baş verən zaman yəhudilərə qarşı bir neçə stul atılıb.

Müftinin həbsinə münasibət bildirən Fələstin hökumətinin rəhbəri Mahmud Abbas işğalçı İsrail rejiminin rəsmilərini Qüdsün müftisi Muhəmməd Huseyni həbs etdikləri üçün tənqid edib.

Abbas İsrail hökumətindən həbs edilmiş müftinin dərhal azad edilməsini tələb edib və deyib ki, bu həbs azad ibadət qanunlarının pozulmasıdır.