Putin Netanyahunu təxribatçılıqda günahlandırdı

Soçidə İsrailin Baş naziri Binyamin Netanyahu ilə görüşən Rusiya prezidenti Vladimir Putin Suriya ilə bağlı rəsmi Təl-Əvivə sərt xəbərdarlıq edib.
 
Putin Netanyahuya İsrailin Suriyada vəziyyəti daha da gərginləşdirəcək addımlardan çəkinməsini bildirib: “Silahlı toqquşmalara dərhal son qoyulmalı, regionda mənfi ssenarilərin qarşısının alınması üçün diplomatik yollara üstünlük verilməlidir”.
 
Binyamin Netanyahu isə Putinlə Suriya müzakirələrinin təfərrüatını açıqlamaqdan çəkinib.
 
İran mətbuatının məlumatına görə yəhudi baş nazir yalnız “İsrailin məqsədi öz vətəndaşlarını müdafiə etməkdir” ifadəsilə kifayətlənib.