Əfqanıstanda dinc sakinləri güllələmiş amerikalı hərbçi cinayətini etiraf edib

Əfqanıstanın Qəndəhar əyalətində 2012-ci ilin martında 16 dinc sakini güllələmiş ABŞ ordusunun serjantı Robert Beylz cinayətini etiraf edib.
 
ABŞ hərbi tribunalı daha öncə serjanta ölüm hökmünün çıxarılmasını tələb edirdi, lakin etirafdan sonra tələbi ömürlük həbslə dəyişib.
 
Rəsmi məlumata görə, 2012-ci il martın 11-də gecə Beylz hərbi hissəsini tərk edərək yaxınlıqdakı kəndə gedib və orada 16 nəfəri güllələyib. Öldürülənlərin 9-u uşaqdır.