Britaniyanın xeyriyyə təşkilatı Suriyadakı əl Qaidə üzvlərini pul ilə təmin edir

Islam times.org/az/ - Bazar günü qəzetdə “Britaniyanın terrora yardımı” adı altında dərc edilən araşdırma məlumatında deyilir ki, Britaniya polisi bir sıra xeyriyyəçilik təşkilatında axtarış aparıb və məlum olub ki, bu təşkilatlardan bəzisi Suriyada əl Qaidə terror şəbəkəsinə bağlı olan qrupları pul ilə təmin edir.

Qəzetdə daha sonra deyilir ki, polis bu axtarış əməliyyatını Yaxın Şərqə səfər edən bir qrup müsəlman şəxslərin üzərində on minlərlə funt sterlinq dəyərində pul aşkar etdikdən sonra başlatdı.

Sunday Times qəzetinin bildirdiyinə görə bu şəxslər Britaniya xeyriyyə təşkilatının üzvü idilər və Suriyada əl Qaidəyə bağlı olan üsyançı qruplara yardım edirdilər.

Qəzeti daha sonra qeyd edərək bildirib ki, xeyriyyə təşkilatı pulları əsasən Britaniya məscidlərindən Suriyaya yardım adı ilə toplayaraq üsyançılara göndərirlər.