Islam Times - "Ölkəmiz əsla Suriyaya hücum edilməsi üçün baza olmayacaq"

IslamTimes - İordaniya baş naziri Abdullah Ensur verdiyi açıqlamada ölkəsinin heç bir zaman Suriya əleyhinə düşünülən müharibənin bir parçası olmayacağını vurğuladı.

Fransa xəbər agentliyinin bildirdiyinə görə, Ensur İordaniya hökumətinin qonşu Suriyadakı hər cür hadisəyə qarşı səbrli yanaşmağa hazır olduğunu ifadə edib.

İordaniya baş naziri hökumətinin Suriyaya qarşı hərbi əməliyyat təşkil edildiyi təqdirdə, bunun narahatlıq doğuracağna inandığını ifadə edərək deyib: "İordaniya Suriyaya qarşı qətiyyən nə havadan, nə də qurudan hücum edilməsi üçün bir qərargah ola bilməz".