Islam Times - AMERİKA ƏSGƏRİNİN MÜHAKİMƏSİ BAŞLAYIB

Bağdadda 4 günahsız iraqlını vəhşicəsinə qətlə yetirən ABŞ əsgərinin məhkəmə prosesi başlayıb.

“Dünyabulteni” nə istinadən “DƏYƏRLƏR” –in 13 aprel tarixində yaydığı xəbərə əsasən, baş çavuş rütbəli Amerikalı Con Hetlinin muhakiməsi Almaniyanın cənub şərqindəki ABŞ ordusuna məxsus "Rouz" hərbi qarnizon məhkəməsində davam edir.
Su kanalının kənarında gözlərini bağlayaraq insanları qətlə yetirən 40 yaşlı Con qəsdən adamöldürmə, qətli planlaşdırma və ədalətliyə qarşı maneə yaratmaqla təqsirli bilinir.

Qeyd etmək lazımdır, Amerika qanunvericiliyənə əsasən ABŞ vətəndaşı əcnəbi məhkəmələr tərəfindən mühakimə oluna bilməz. Conun günahı isə məhkəmədə sübut edilərsə Amerika qanunlarına uyğun onu ömürlük həbs cəzası gözləyir. (İslamtimes.org)