Islam Times - Qarabağ qazisi ilə əlaqədar Fəvvarələr Meydanında aksiya təyin olundu

IslamTimes - Özünü Həmkarlar İttifaqı Konfederasiyasının qarşısında yandırdıqdan sonra ötən gün vəfat etmiş Qarabağ qazisi Zaur Həsənovun vəfatı ilə əlaqədar “Facebook” sosial şəbəkəsində etiraz mitinqi “İvent”i yaradılıb.

Deyerler.org-un məlumatına görə, “İvent”də bütün insanlar sabah (29 dekabr) saat 16:00-da Fəvvarələr meydanında razılaşdırılmamış etiraz aksiyasına çağırılır: “Bildiyiniz kimi Qarabağ qazisi bu gün (red. "ötən gün") axşam saatlarında dünyasını dəyişdi. Sabah (red. "bu gün") hamı saat 16:00-da Fəvvarələr meydanına”.

Digər bir “İvent” isə Zaur Həsənovun dəfni ilə əlaqədar yaradılıb. Deyerler.org-un məlumatına görə, həmin “İvent”in mətnində deyilir: “Dünən Qarabağ qazisi Zaur Həsənov dünyasını dəyişdi. Bu gün saat 14.30-da Zaur Həsənov Bibi Heybətdə dəfn olunacaq. Bizlər də saat 14:00-da Bibi Heybətdə olaq. Qəbirstanlıq Bibi Heybət məscidinin yaxınlığındadır. Bibi Heybət məscidinə 124, 121, 195, 197, 193, 207 nömrəli marşrutlar gedir.

Diqqət! Dəfnə gələn hər kəs qoluna qara lent bağlasın”.