Rusiya Suriya əleyhinə qətnamənin qəbuluna qarşı çıxıb

APA-nın məlumatına görə, bu barədə “Frans Press” agentliyi diplomatik mənbələrə istinadən xəbər yayıb.
 
Böyük Britaniyanın təklif etdiyi qətnamə layihəsində dekabrın 15-də Hələbdə 700 nəfərin ölümünə səbəb olan aviazərbələri pislənilirdi. 
 
“Röyters” agentliyinin diplomatik mənbələrə istinadən verdiyi məlumata görə, Rusiya nümayəndə heyəti bu sənədin qəbuluna veto qoyub. Əvəzində qətnamə layihəsinə Hələbdə baş verənlərin xatırlanmaması üçün müvafiq düzəlişlər etməyi təklif edib. Nəticədə Böyük Britaniya bu qətnaməni BMT TŞ-nin müzakirəsindən çıxarıb.