İsrail generalından həyasız açıqlama

FaktXeber-in İsrailin "Yediot Aharonot" qəzetinə istinadən verdiyi məlumata görə, İsrailin "Mavi Mərmərə" basqınının araşdırılması üçün yaradılan İstintaq Komissiyasına ifadə verən Baş Qərargah rəisi Qabi Aşkenazi, bütün hərbi əməliyyatın məsuliyyətinin ona aid olduğunu söyləyib.
Qabi Aşkenazi 9 türk vətəndaşının qətlə yetiriledildiyi basqında iştirak edən əsgərləriylə qürur duyduğunu bildirib. "Komandolar, İsrail ordusu dəyərlərinə bağlı şəkildə soyuqqanlı və cəsur hərəkət etdilər" - deyən Aşkenazi, basqının nəticələrini əvvəldən təxmin etməyin çətin olduğunu söyləyib. Aşkenazi, əsgərlərin qanuni şəkildə atəş açdığını və özlərini müdafiə etmək məqsədiylə lazım bildikləri şəxslərə qarşı atəş açdıqlarını qeyd edib.
Qeyd edək ki, bundan əvvəl də İsrailin müdafiə naziri Ehud Barak, bu hücumun bütün məsuliyyətini boynuna götürmüşdü.