Viktor Yanukoviç və Ştefan Füle Ukraynada konstitusiya islahatını müzakirə ediblər

APA-nın “RİA Novosti”yə istinadən verdiyi xəbərə görə, bu barədə Ukrayna prezidentinin mətbuat xidməti məlumat yayıb.   
“Görüş zamanı Ukraynada siyasi böhranın demokratik və dinc yolla həllinə dair məsələlər, konstitusiya islahatının keçirilməsinin perspektivləri, AB və beynəlxalq maliyyə təşkilatları tərəfindən ölkəyə iqtisadi-maliyyə yardımının göstərilməsi müzakirə olunub”, deyə açıqlamada bildirilir.   
Prezident həmçinin hökumət, müxalifət və vətəndaş cəmiyyəti arasında etimadın bərpa olunmasının, habelə qanunvericiliyə əməl olunmasının vacibliyini qeyd edib.