Paralel quruluş Azərbaycanı qarışdırdı

Hökumət əlaqəni yalanladı. Wikileaks sənədlərinə görə, Gülən qrupuna aid məktəblər din dərsi olmadığı üçün dünyəvi elitaların seçimidir və ABŞ da bundan məmnundur.
Fəthullah Gülən və Mehmet Günayın səs yazısının yayımlanmasından sonra Azərbaycanda gündəm dəyişdi. Fəthullah Gülənin səs yazısında Zakir Həsənovun yeni müdafiə naziri təyin edilməsinin sevindirici bir hal olduğu və Həsənovun Gülən qrupuna yaxın bir adam olaraq xarakterizə edilməsi Azərbaycan ictimaiyyəti arasında yeni müzakirələrə səbəb oldu.

“Wikileaks”da maraqlı iddialar var
Hökumət səs yazısında qeyd olunan “yaxınlıq” dərəcəsini yalanlarkən Azərbaycanın Türkiyədəki mübarizənin içinə çəkilmək istəndiyi və bunların bir təxribat olduğu bildirildi. Ancaq ABŞ Azərbaycandakı səfirliyindən 2008-ci ildə Vaşinqtona keçilən və “Wikileaks” sənədləri arasında yer alan kriptolarla Gülən camaatı - Azərbaycan əlaqəsinə dair maraqlı məlumatlar ortaya qoyur.

Məktəblərdə din dərsi verilmir
08.05.2008-ci il tarixli kriptonun mövzu başlığı “Fəthullah Gülən Camaatının Azərbaycandakı varlığıdır”. Səfir müavini Donald Lu tərəfindən göndərilən kriptoda ABŞ-ın Gülən camaatının Azərbaycandakı varlığından narahat olmadığı, Gülən məktəblərində din dərsi verilmədiyi vurğusu edilir.

Elite Profili “Çağ”
Azərbaycanda Gülən camaatının 13 hazırlıq kursu, 11 kolleci (litsey, ibtidai siniflər üçün məktəb) və Qafqaz Universiteti var. Bütün bu məktəblər bir dam altında birləşdirilmişdir. Məktəblər “Çağ ​​Öyrətim” adıyla tanınır. “Wikileaks” sənədlərinə görə, dini motivasiyası olmayan bu məktəblərə çox sıx şəkildə Azərbaycanın elit və dünyəvi ailələrinin uşaqlarını göndərdiyi ifadə edilir. Məktəblərin isə Türk iş adamları dərnəyi TÜSİAB tərəfindən maliyyələşdirildiyi, ancaq detallara varılmadığına diqqət çəkilir.

Məktəblərə tərif
Azərbaycan Hökumətinin Gülən camaatına qarşı mövqeyi öyrənilən qaynaqların dediyinə əsaslanan səfir Lunun öz şərhlərini ifadə etdiyi qisimlərdə camaatın məktəblərini tərifləməsi diqqət çəkir. Lu Azərbaycan dövlət adamlarının təhsildə Gülənin məktəblərini seçim etməsini Gülənçilərin hökumətlə yaxşı əlaqələr qurub davam etdirə bilməsinin “açarı” olaraq görür.

ABŞ-ın məşhur diplomatı
ABŞ-ın məşhur “keçmiş Sovet ölkələri diplomatı” olaraq bilinən Lunun bu şərhləri ABŞ-ın məktəblərin Azərbaycandakı varlığından olduqca məmnun olduğunu göstərir.

Əliyev diqqətlə izləyir
Azərbaycan hökumətinin İslami hərəkatlara qarşı məsafəli bir mövqe sərgilədiyi qeyd edilir. Din dərsi verilməməsinə, daha çox riyaziyyat və texniki fənnlərin keçilməsi səbəbilə seçilən Çağ məktəblərinin dünyəvilik baxımından müsbət imicinə baxmayaraq hökumətin bu məktəbləri, fəaliyyətlərini və məqsədlərini yaxından təqib etdiyi ifadə edilir. Hətta 2001-2002-ci illərdə Gülən camaatına aid Qafqaz Universitetində İlahiyyat Fakültəsi bağlanılarkən Bakı Dövlət Universiteti İlahiyyat fakültəsinə toxunulmamışdır.

ABŞ kriptosunda Azərbaycan prezidenti İlham Əliyevin Türkiyə Diyanət İşləri fəaliyyətləri ilə Gülən camaatının fəaliyyətləri arasına gözə çarpan bir xətt çəkdiyi, Gülən camaatının fəaliyyətlərinə məsafəli davranması, 2002-ci ildə AKP-nin iqtidara gəlməsi ilə Əliyevin yumşaldığı, ancaq Diyanət İşlərinə daha yaxın olması ifadə edilir. Ayrıca bəzi rəsmi səlahiyyətlilərin hələ Gülənçilərin Azərbaycanda Diyanət İşləri idarəsini ələ keçirmiş olmasından şübhələndikləri dilə gətirilir.

Rüşvət verildi
“Wikileaks” sənədləri arasında yer alan kriptoda Gülən camaatı ilə Azərbaycan hökumətinin əlaqələrinin çox yaxşı olduğu ifadə edilərkən ABŞ səfirliyinin bəzi yerli şəxslərlə görüşdüyü və bu şəxslərin camaat mənsublarının Azərbaycan hökumətinin içindən bəzi şəxslərə əlaqələri yaxşılaşdırmaq məqsədilə “hörmət etdikləri”, yəni diplomatik bir dillə “rüşvət” ödədikləri iddia edilir.

Yenişafak