Islam Times - Moskvada Beynəlxalq "Qüds günü" keçiriləcək

İslamTimes – Rusiyanın paytaxtı Moskvada artıq növbəti dəfə Beynəlxalq "Qüds günü" çərçivəsində əzəmətli tədbirlər keçiriləcək.

Tədbirlərin keçirilməsində məqsəd – Rusiya və dünya ictimaiyyətinin nəzərlərini Fələstində yaşanan humanitar fəlakətlərə yönəltmək, BMT və Rusiya Federasiyasının sülhməramlı təklifləri əsasında Fələstin probleminin sülh yolu ilə həlli istiqamətlərini nəzərdən keçirməkdir, - “İslamNyus” xəbər verir.
Tədbirlərdə həmçinin Yaxın Şərq probleminə həsr edilmiş müxtəlif kitabların təqdimatı da həyata keçiriləcək. Tədbirlərə Rusiyanın tanınmış ictimaiyyət xadimlərinin, jurnalistlərin, diplomatların, müxtəlif ölkələrin Rusiyadakı səfirlərinin qatılacağı bildirilir. /Deyerler/