Medvedev Putinin sərancamını dayandırıb

BBC-nin yaydığı məlumata görə, bu trass Moskva yaxınlığındakı Ximki meşəsindən keçməli idi. Prezidentin qərarı isə ictimaiyyətin etirazlarından sonra verilib.
Ximki meşəsindən yolun çəkilməsi böyük ictimai rezonans doğurub. Bir sıra ictimai xadimlər, təbiət mühafizəçiləri meşənin qırılması ilə bağlı etiraz ediblər. Etirazlara adi insanlar da qoşulub, işlə bağlı hətta Moskvada böyük mitinq keçirilib.
Ekspertlərə görə, bu qərar prezidentlə baş nazir Vladimir Putinin arasında ziddiyyət yarada bilər. Çünki yolun çəkilməsi sərəncamını hökumət başçısı imzalayıb. Bildirilir ki, işlə bağlı yeni ictimai və ekspert dinləmələri keçiriləcək. /ANS/