Milli Şuranın növbəti sessiyasının vaxtı açıqlandı

Bunu APA-ya açıqlamasında Milli Şuranın sədri Cəmil Həsənli deyib.
Onun sözlərinə görə, qurumun sessiyası mart ayında, Novruz bayramı tətilindən sonrakı günlərdə keçiriləcək. Sessiyanın harada keçiriləcəyinə gəlincə, C.Həsənli bu barədə məlumat veriləcəyini qeyd edib.
APA-nın əldə etdiyi məlumata görə, sessiya KXCP-nin mənzil-qərargahında keçiriləcək.
Xatırladaq ki, Müsavat partiyası Milli Şuranı tərk etdikdən sonra qurumun sessiyası adətən AXCP-nin qərargahında keçirilib. Lakin partiya qərargahında baş verən partlayışla əlaqədar bina qəzalı vəziyyətə düşdüyündən, qərargah köçürülüb.