Islam Times - İraqda terrorçularıa mübarizə davam edir

IslamTimes - İraqın qərbindəki Anbar vilayətində hərbçilərlə yaraqlılar arasında baş verən toqquşmalar zamanı 30 hərbçi öldürülüb, 50-dən çox adam xəsarət alıb.

APA-nın İTAR-TASS agentliyinə istinadən verdiyi məlumata görə, döyüşlər Faluca şəhəri yaxınlığında, “İraq və Levantedə İslam Dövləti” ekstremist qruplaşmasının mövqelərinin artilleriya atəşinə tutulmasından sonra başlayıb.
Cavab olaraq yaraqlılar hücum həyata keçirərək hökumət ordusunun bir neçə dayaq məntəqəsi və körpülərini ələ keçirib. Sky News Arabia-nın məlumatına görə, hazırda döyüşlər davam edir.
Qeyd edək ki, ötən ilin 21 dekabrından İraqın ən qeyri-sabit əyalətlərindən biri hesab edilən Anbar əyalətində terrora qarşı əməliyyatı keçirilir.