Islam Times - Rusiya sərhəddə yerləşdirdiyi ordularla Ukraynanı qorxudur

IslamTimes - ABŞ-ın dövlət katibi Con Kerri Rusiya ordu hissələrinin sərhəddə olmasını Ukraynanı qorxutmaq üçün element adlandırıb.

ANS PRESS-in məlumatına görə, bu barədə Kerri Brüsseldə mətbuat konfransında bəyanat verib.
“Biz Rusiyanın Krıma özünə birləşdirməsində hər hansı qanuniliyin olması haqında istənilən ideyanı qəbul etmirik. Çağırış var. Biz hamımız bu çağırışın önündə dayanırıq. Rusiya Ukrayna sərhədlərində ordu hissələrini yerləşdirməklə qorxutma taktikasından istifadə edir” - deyə Kerri bildirib.
Dövlət katibi bildirib ki, Ukrayna demokratiyası və iqtisadiyyatının uğurları Rusiyanın hədə-qorxularına ən yaxşı cavab olacaq.
Kerrinin sözlərində görə, ABŞ və onun NATO üzrə müttəfiqləri Ukraynanı uğura gedən yolda dəstəkləyir.
O qeyd edib ki, dəstək BVF-nun yardımı, “bizim ikitərəfli və çoxtərəfli yardımlarımız, ATƏT-nin monitorinq missiyası, azad, ədalətli konstitusiya seçkiləri, konstitusiya islahatları və korrupsiya ilə mübarizədən ibarətdir”.