Islam Times - Nigeriyada 130 nəfər qətlə yetirilib

IslamTimes - Aprelin 12-də Nigeriyanın şimal-şərqindəki Borno ştatında silahlılar bir neçə yaşayış məntəqəsinə hücum edib, nəticədə azı 130 nəfər ölüb.

APA-nın “BBC”-yə istinadən verdiyi xəbərə görə, hücuma məruz qalmış yaşayış məntəqələri birində silahlılar kitabxana, pedaqoji kollec və bir neçə ev yandırıblar.
Məlumata görə, yerli əhalinin əksəriyyəti qonşu Kameruna qaçıb.
Hücumlara görə məsuliyyəti hələlik heç bir qruplaşma öz üzərinə götürməyib. Qanlı hadisələrlə “Boko Haram” radikal dini qruplaşmanın əlaqəli olduğu ehtimal olunur.