Polşa məhkəməsi Zakayevi azad etdi
19 Sep 2010 16:16
IslamTimes - Polşa məhkəməsi mühacirətdə olan Çeçenistan lideri Ahmed Zakayevi azad edib.
Məhkəmə onun Rusiyaya verilməsi barədə tələbləri rədd edib.
Ahmed Zakayev sentyabrın 17-də Varşavada saxlanmışdı. Rusiya onu terroçuluqda ittiham edərək beynəlxalq axtarışa verib. Polşa polisi də İnterpol qarşısında bu öhdəliyini icra etdiyini bildirib.
Amma Ahmed Zakayev 2003-cü ildə Britaniyada yaşayır və bu ölkə ona siyasi sığınacaq verib. Polşaya da Varşava yaxınlığında keçirilən Ümumdünya Çeçen Konqresində iştirak etmək üçün getmişdi.
/Azadlıq Radiosu/
Story Code: 37585