Islam Times - İranlı admiral: BƏƏ gəmilərimizi yoxlamağa cürət etməz!

İslamtimes - İran İslam Respublikası dəniz qüvvələrinin komandanı İranda müqəddəs müdafiə həftəsinin 5-ci günündə deyib : Birləşmiş Ərəb Əmirlikləri(BƏƏ) İran gəmilərini təftiş etmək cürətinə malik deyil.

MEHR xəbər agentliyinə müsahibə verən İİR ordusunun dəniz qüvvələrinin komandanı admiral Həbibullah Səyyari BƏƏ-nin Amerikadakı səfirinin bu ölkənin bir neçə İran gəmisini yoxlaması haqda iddialarına cavab olaraq deyib : İİR ordusunun dəniz qüvvələri Birləşmiş Ərəb Əmirliklərinə İran gəmilərində yoxlama aparma icazəsi verməyəcək.

İran ordusunun dəniz qüvvələrinin Fars Körfəzinə tam şəkildə nəzarət etdiyini bildirən admiral Səyyari sonra deyib : Bu qüvvələr müqəddəs İİR qoruluşun mənafeyini müdafiə etmək üçün tam hazır vəziyyətindədirlər.