1 yəhudiyə görə 500 fələstinli öldürülməlidir

İsrail knessetinin üzvü Mixayıl Ben Ari rasist çıxış edərək bir yəhudiyə görə 500 fələstinlinin öldürülməsini tələb edib. O, bildiribdir ki, İsrail təşkilatlarından birinin göstərdiyi fakta əsasən, 2000-ci ildən indiyə qədər 1083 yəhudiyə görə 6371 fələstinli qətlə yetirilib.
“Gilad Şalit məsələsində anladım ki, ərəblərin mövqeyi ilə hesabladıqda 1 yəhudi yüzlərlə fələstinliyə bərabərdir. Buna əsasən, 6000 fələstinlinin qətlə yetirilməsi çox azdır. Onlarla müharibədə bu statistika kafi deyil. Terrorçuların (!!!) qarşısını almaqdan ötrü 1 yəhudiyə görə, 500 fələstinli qətlə yetirilməlidir”, - Mixayıl Ben Ari deyib. /HaqqYolu/