Misir Qəzzada atəşkəsin daha 48 saat artırılmasını təklif etdi
6 Aug 2014 11:27
IslamTimes - Misir İsrail rejimi ilə Fələstinin HƏMAS təşkilatı arasında əldə olunan 72 saatlıq atəşkəsi daha 48 saat artırmağa çağırıb.
Bu barədə məlumatı İsrail rejiminin KİV-ləri verib.
İşğalçı İsrail rejimi ilə HƏMAS arasında atəşkəs ötən gün səhər saat 8-dən etibarən qüvvəyə minib. Hər iki tərəf indiyənədək atəşkəsi pozmayıblar.
Qeyd edək ki, işğalçı İsrail rejiminin və HƏMAS-ın nümayəndə heyətləri atəşkəsə dair Misirdə danışıqlar keçirirlər.
İsrail rejiminin Qəzzada davam edən hərbi əməliyyatlar nəticəsində həlak olanların sayı 1868 nəfərə, yaralanların sayı isə 9570-ə çatıb.
Story Code: 403341