Islam Times - AB-dən Rusiyaya sanksiya, Ukraynaya isə silah

IslamTimes - “Avropa Birliyinə üzv ölkələrin böyük əksəriyyəti Rusiyaya qarşı yeni sektorial sanksiyaların tətbiq olunmasını dəstəklədilər".

Axar.az-ın Ukrayna mətbuatına istinadən xəbərinə görə, bu barədə Brüsseldə keçirdiyi brifinqdə Ukrayna Prezidenti Pyotr Poroşenko deyib. Dövlət başçısı bildirib ki, Avropa Birliyi həmçinin ölkəsinə maliyyə dəstəyi göstərəcək:
“Qurum yaxın günlərdə 1 milyard avro kredit verilməsini məqbul saydı. Bundan başqa, qurum cari ilin sonlarında Ukraynaya 250 milyon avronun hədiyyə edilməsini nəzərdə tutur. Təşkilat həmçinin ölkəmizə hərbi-texniki yardım, müasir silahlar da verəcək".
Poroşenko diqqətə çatdırıb ki, bütün bunların nəticəsində Ukrayna ordusunun döyüş qabiliyyəti yüksək səviyyəyə gələcək.