Həsən Ruhanidən Obamaya: "Qadağaları pozacağıq!"

Yukio Amanonun İranın nüvə fəaliyyəti ilə bağlı müsbət açıqlamasından sonra hamı ABŞ-ın İrana qarşı sanksiyaları tədricən aradan qaldıracağını gözləyirdi. Amma ABŞ həmişəki kimi öz çirkin siyasətini davam etdirdi və İrana qarşı yeni qeyri-insani addıma əl atdı.
Axar.az xəbər verir ki, Həsən Ruhani ABŞ-ın İrana qarşı sanksiyalar tətbiqinin və 25 şirkəti cəzalandırmasının “Cenevrə razılaşması”na zidd olduğunu qeyd edib:
“Sanksiyalar İran xalqının hüquqlarına təcavüzdür. Bütün gücümüzlə buna qarşı mübarizə aparacağıq. ABŞ bizimlə əməkdaşlıq etdiyinə görə 25 şirkəti cəzalandırıb. Əlbəttə ki, sanksiyaları pozacağıq. Bu bizim üçün fəxrdir. Çünki bu qanunsuzdur. Bizə qarşı tətbiq olunan sanksiyalar cinayətdir. Dərman və qida idxalına qoyulan sanksiya cinayətdir. Biz sanksiyaları ləğv etmək üçün həmişə mübarizə aparacağıq”. ABŞ-ın danışıqlar cəhdini “çirkin” olaraq xarakterizə edən Ruhani xalqın ABŞ-a inanmadığını bildirib:
“Xalqımız ABŞ-a inanmır. ABŞ bu etibarı qazanmaq üçün addım atmalıydı. Ancaq təəssüf ki, onlar bu etibarsızlığı getdikcə daha da artırır”.