Islam Times - Qərb özünə təsəlli verir

IslamTimes - "Rusiya prezidenti Vladimir Putin blef edir, Avropaya qazı kəsməyəcək".

ANS PRESS-in məlumatına görə, bunu ABŞ-ın Azərbaycandakı keçmiş səfiri olan, indi isə Tallində Müdafiə Araşdırmaları Beynəlxalq Mərkəzinin direktoru Metyu Brayza "Financial Times" qəzetində yazıb.
Brayza hesab edir ki, Avropa Rusiya qazından doğrudan da çox asılıdır, Rusiya bundan istifadə edib, Avropaya qışda qazı kəsməklə hədələyir, ancaq Avropanın Rusiya qazından asılılığı azaltmaq imkanları da var.
Keçmiş səfir Avropa Birliyi ölkələrində bütün qaz anbarlarını indidən doldurmağı, maye qaz almağı və bütün bunlar üçün maliyyə resursları yaratmağı təklif edir.
Brayzanın gəldiyi nəticə budur ki, Avropa Rusiya qazı olmadan da ötüşə bilər, Rusiya qazı kəsmək hədəsini əslində reallaşdıra bilməz.
Putin belə hədələməklə blef edir. Brayza yazır ki, buna görə Avropa liderləri öz aralarındakı mübahisəyə son qoyub, Rusiyanın Ukraynadakı hərəkətlərinin qabağını almalıdır.