Əli İnsanov: “İşgəncəyə məruz qalıram”

İnterpress.az xəbər verir ki, sentyabrın 10-da göndərilən müraciətdə keçmiş nazir işğəncələrə məruz qaldığını bildirib.
Müraciətdə bildirilir: “Avropa İnsan Haqları Məhkəməsi 14 mart 2013-cü il tarixli qərarı ilə Əli İnsanovun konvensiyanın 6-cı maddəsində nəzərdə tutulan ədalətsiz məhkəmə araşdırması hüququnun və 3-cü maddəsi ilə nəzərdə tutulan işgəncələrə məruz qalmamaq hüququnun pozulması nəticəsinə gəlib.
Buna görə Azərbaycan hökuməti 10 min avro cərimələnib. Lakin hökumət Avropa məhkəməsinin həmin qərarını qəsdən icra etmir. Əli İnsanovun ədalətsiz məhkəmə araşdırması hüququ təmin edilməyib.
Avropa İnsan Haqları Məhkəməsinin qərarında Əli İnsanovun 13 saylı cəzaçəkmə müəssisəsində ağır və dözülməz şəraitdə saxlanılması işgəncə kimi qiymətləndirilsə də o, bu günə kimi həbsxanada ağır və dözülməz şəraitdə saxlanılmaqla işgəncəyə məruz qoyulur”.
Ə.İnsanovun vəkili Toğrul Babayevin sözlərinə görə, Əli İnsanov pozulmuş hüquqlarının müdafiəsi üçün Avropa Şurası İşgəncələrə qarşı Komitəsinə müraciət edib.