Fransada ümumilli tətillərin artıq altıncı gününə start verilib, prezident Nikola Sarkozi isə təqaüd islahatlarının keçirilməsindən imtina etməyəcəklərini bildirir, - “Lenta” xəbər verir. Fransada artıq bir həftədir ki, neft istehsalı zavodları bağlanıb. Ölkənin yüzlərlə yanacaq doldurma məntəqələri benzinsiz qalıb. Bununla yanaşı tətillər bitmək bilmir. Etiraz aksiyaları ölkənin 200 şəhərində baş qaldırıb. Sarkozi bəyan edib ki, hakimiyyət təslim olmayacaq. O qeyd edib ki, etirazlara səbəb olsa da, bu islahatlar həyata keçirilməlidir. Qanun layihəsinə son səsvermə bu həftə Senatda keçiriləcək. /Deyerler/