İndoneziyanın Sumatra adasının qərb sahillərində zəlzələdən sonra baş verən sunami nəticəsində ölənlərin sayı 311 nəfərə çatıb. APA-nın məlumatına görə, sunami nəticəsində 400-dən çox adam yaralanıb. Qərbi Sumatra vilayətinin qubernatoru hələlik 378 nəfərin taleyi barədə məlumat olmadığını bildirir. Yaralıların 264 nəfərinin vəziyyəti ağırdır. Sunami baş verən bölgəni tərk etmiş 4 mindən çox insan qonşu Peqay adalarında müvəqqəti sığınacaq tapıb.