Islam Times - ABŞ-da növbəti etiraz dalğası

IslamTimes - ABŞ-ın Siti Luis şəhərinin Ferguson rayonunda 9 avqustda 18 yaşlı zənci gənc Mikael Braunu vuran polis məmuru Darren Vilson haqqında cinayət işinin açılmasının yubanması növbəti etiraz dalğasına səbəb olub.

Teleqraf.com-un məlumatına görə, qara dərili gənci ciddi səbəb olmadan qətlə yetirən polisin cəzalandırılmaması səbəbindən Fergusonda insanlar yenidən küçələrə axışıblar. Onlar yerli polis məmurlarını irqçilikdə və ayrı-seçkilikdə günahlandırıblar.
Nümayişi zor tətbiq etməklə dağıdan polis 3 etirazçını həbs edib. Qeyd edək ki, qətli törədən polis Vilsona qarşı cinayət işinin açılması müxtəlif bəhanələrlə avqust ayından bəri uzadılır. Bu isə Siti Luisin qara dərili icmasının qəzəbini doğurub.