Islam Times - Roma papası: "Terrorun İslam dini ilə heç bir əlaqəsi yoxdur”

IslamTimes - Roma papasının Türkiyəyə səfəri başa çatıb. Xristian din rəhbəri təyyarə ilə ölkəsinə geri dönən zaman Türkiyə və İslam dini ilə bağlı ilk təəssüratlarını dilə gətirib.

Papa qeyd edib ki, İslam dünyasında törədilən terror aktlarını müsəlmançılıqla əlaqələləndirmək olmaz.
“İnsan Yaxın Şərq və Afrikada yaşanan zorakılıqları gördükdə, hər kəsin ilkin reakisiyası belə olur: Əgər İslam dini budursa, bu, məni də qəzəbləndirir. Lakin çoxlu sayda müsəlman buna görə məyus olur. Çünki onlar, əslində, zorakı olmadıqlarını, Quranın sülh kitabı olduğu deyilər. Bu, peyğəmbərin sülh kitabıdır. Terrorun İslam dini ilə heç bir əlaqəsi yoxdur”.
Papanın növbəti səfəri isə, Rusiyaya olacaq.