Sionist İsrail rejimi Qəzza ilə sərhəddə qüvvələr toplayır
Story Code : 428220
Bu barədə İsrail rejiminin ordu radiosundan verilən açıqlamada qeyd olunub. Açıqlamada Dəmir Qübbə hava müdafiə sisteminə aid batareyalar Qəzza ilə sərhəddəki Beer Şeva (Birus-Səba) və Netivot sionist məskunlaşma məntəqələrinə yerləşdirildiyi qeyd olunub. HƏMAS-ın hərbi qanadı olan İzzəddin əl-Qəssam Briqadalarının sionist İsrail ordusunun açdığı atəş nəticəsində bir üzvünün öldürüldüyünü bildirməsindən sonra bölgədə gərgin bir şərait hökm sürür. Qeyd edək ki, sionist İsrail əsgərləri dekabrın 24-də Qəzzanın cənubunda yerləşən Xan Yunus məntəqəsində HƏMAS-ın müşahidə məntəqəsinə hücum etmişdilər. Hücum nəticəsində İzzəddin Əl-Qəssam Briqadalarının komandirlərindən olan Təysir əs-Səmir şəhid olmuşdu. Hücumda 2 sionist əsgər də ağır yaralanmışdı. /Deyerler/