Islam Times - “Qafqaz əmirliyi”ndə parçalanma

Islamtimes - İŞİD lideri Əbubəkr Bağdadinin özünü xəlifə elan etməsindən sonra xəvariclər arasında parçalanmalar dünya miqyasında davam edir

İslamazeri-nin çeçen internet resurslarına istinadən verdiyi xəbərə görə, İŞİD terrorçu qruplaşmasının lideri Əbubəkr Bağdadinin özünü xəlifə adlandırması və hamını özünə beyət etməyə çağırması Qafqazdakı terrorçuları da parçalayıb.

Belə ki, Bağdadiyə Dağıstanın “əmiri” Əbu Muhəmməd və Şamilkalinski bölgəsinin keçmiş “əmiri” Əbu Muhəmmədin beyət etmələrindən sonra, bu gün Novçiyço vilayətinin “əmiri” kimi tanınan Maxran da İŞİD liderinə “əmirəlmöminin” deyərək beyət edib.

Lakin Dağıstanın “qazisi” və dağlıq ərazilərin “əmiri” Əbu Osman isə, “Əbubəkr Bağdadi müsəlmanların xəlifəsi deyil, ona beyət etmək isə qanuni deyil”-deyib.

Qafqaz “əmirliyi”nin əmiri Əli Əbu Muhəmməd də, bir sıra vəhhabilərin cihad aliminin fikirlərini dəstəkləyərək İŞİD-i müsəlmanların qatili adlandırıb və Əbubəkr Bağdadini müsəlmanların xəlifəsi olmadığını deyərək ona edilən beyətləri batil adlandırıb.